Related Posts
Category : Sports
T20 વર્લ્ડ કપમાં કોણ બનશે રોહિતનો પાર્ટનર? ઈરફાનનો ઈશારો
T20 વર્લ્ડ કપને આડે લગભગ 15 દિવસ બાકી છે. એક તરફ તમામ ટીમો તૈયારીઓમાં વ્યસ્ત છે, તો બીજી તરફ ભારતીય ખેલાડીઓ IPL 2024માં પોતાનું પરીક્ષણ કરી રહ્યા છે. BCCIએ 30 એપ્રિલે T20 વર્લ્ડ કપ માટે ભારતીય ટીમની જાહેરાત કરી હતી. જેમાં દરેક ખેલાડી IPL રમી રહ્યો છે. પરંતુ આ દરમિયાન કેટલાક ખેલાડીઓએ ટીમ ઈન્ડિયાની ચિંતા વધારી દીધી છે. આ યાદીમાં રોહિત શર્મા, યશસ્વી જયસ્વાલ અને રવિન્દ્ર જાડેજા જેવા મોટા નામ સામેલ છે. પૂર્વ ઓલરાઉન્ડર ઈરફાન પઠાણે પણ આ અંગે ચિંતા વ્યક્ત કરી છે.
T20 વર્લ્ડ કપ 2 જૂનથી શરૂ થવાનો છે. આઈપીએલ 2024 પ્લેઓફની સીમા પર પહોંચી ગઈ છે. આ ટુર્નામેન્ટની ફાઇનલ મેચ 26 મેના રોજ રમાશે. ટીમ ઈન્ડિયા 5 જૂનથી આયર્લેન્ડ સામે વર્લ્ડ કપમાં પોતાના અભિયાનની શરૂઆત કરશે. આવી સ્થિતિમાં, ઘણા ખેલાડીઓ માટે વર્કલોડને મેનેજ કરવું પણ બીસીસીઆઈ માટે એક મોટો મુદ્દો હશે. રોહિત શર્મા, યશસ્વી જયસ્વાલ જેવા મોટા નામ આઉટ ઓફ ફોર્મ છે, આવી સ્થિતિમાં આ ખેલાડીઓને આરામ આપવા વિશે વિચારવામાં આવી શકે છે જો કે, આ સિઝનમાં બંનેએ પોતાના બેટથી સદી ફટકારી છે, પરંતુ હવે ટીમ ઈન્ડિયાના બંને ઓપનિંગ બેટ્સમેન. ટેન્શન વધાર્યું છે.
ઈરફાન પઠાણે પણ યશસ્વી અને રોહિતની બેટિંગ અંગે ચિંતા વ્યક્ત કરી હતી. તેણે કહ્યું, ‘આ ખૂબ જ ચિંતાનો વિષય છે કારણ કે હું માનું છું કે યશસ્વી જયસ્વાલ ડાબોડી બેટ્સમેન છે અને તેણે વર્લ્ડ કપમાં શરૂઆત કરવી જોઈએ. તેથી વિરોધી ટીમ લેફ્ટ આર્મ સ્પિનરથી શરૂઆત નહીં કરે. જો તે ફોર્મમાં છે, તો તે થોડો પાછળ જશે. પરંતુ આ ફોર્મમાં ટીમ બે વખત વિચારશે. ટીમ વિચારશે કે શું તેમને ફોર્મમાં રહેલા વિરાટ કોહલીને રોહિત શર્મા સાથે ઓપનિંગ કરવા જોઈએ કે પછી અનુભવ ન હોય તેવા યશસ્વી સાથે જવું જોઈએ. આવી સ્થિતિમાં જયસ્વાલનું ફોર્મમાં આવવું ખૂબ જ જરૂરી છે.
ઈરફાને વધુમાં કહ્યું કે તે સારી વાત છે કે યશસ્વી જયસ્વાલ પાસે ફોર્મમાં પરત ફરવાની પૂરતી તકો છે. રાજસ્થાનની ટીમ ક્વોલિફાય થઈ ગઈ છે. જો આ ટીમ છેલ્લી મેચ જીતીને ટોપ-2માં રહી હોત તો ટીમને વધુ તક મળી હોત. આવી સ્થિતિમાં જયવસલ પાસે પોતાનું ફોર્મ પાછું મેળવવાની મોટી તક છે.
Load more
